Нэһилиэк сынньалаҥ киинин историята
1927 сыл балаҕан ыйын 14 күнүгэр дьахтар эр киһини кытта быраабын тэҥниир, үлэлиир дьахталлар олорор уонна үлэлиир усулуобуйаларын тупсарар, нэһилиэктэргэ Кыһыл юрталары, Ааҕар балаҕаннары тэрийэр тустарынан элбэх саҥа уураахтар тахсыбыттара. Архив докумуоннарыттан көрдөххө, Никольскай сельсовета Ааҕар балаҕаны аһар туһунан көрдөһүүтүн Якутскай уокурук исполкомун президиума Никольскай нэһилиэгэр Ааҕар балаҕаны аһарга 1927 сыл балаҕан ыйын 27 күнүгэр уураах таһаарбыта.
Ааҕар балаҕан бастакы сэбиэдиссэйинэн Виктор Кононыхин анаммыт. Бу сылларга Никольскай нэһилиэгэр Ааҕар балаҕан тэриллэн прогрессивнай өйдөөх-санаалаах кыһыл партизан, бастакы артыалы тэрийээччи Аверинскай Егор Васильевич салайыытынан олус таһаарыылаахтык үлэлээбитэ. Бу дьоҥҥо хаһыаты, кинигэни түҥэтэр, бары бииргэ хаһыат ааҕар, сонун истэр, дону түмэр киин, кэлин сынньалаҥ киинэ буолбута.